Gwasanaeth Safonau Masnach Merthyr Tudful yn gweithredu ar werthu fêps nicotin i rai dan Oed

Mae Gwasanaeth Safonau Masnach Cyngor Bwrdeistref Sirol Merthyr Tudful yn gyfrifol am orfodi deddfwriaeth sy'n atal gwerthu nwyddau â chyfyngiad oedran i blant.

Mae cryn bryder ar hyn o bryd ynghylch pobl ifanc yn cael mynediad at gynhyrchion ‘anwedd’. Fel rhan o raglen weithredu i fynd i'r afael â'r mater hwn, ymgymerodd y Tîm Safonau Masnach â phrawf prynu i rai dan oed a chynhaliwyd ymdrechion prynu mewn 6 safle ar gyfer gwerthu codennau fêp nicotin tafladwy. Gwerthodd dau o'r safleoedd hyn i'r gwirfoddolwr 16 oed.

Plediodd un o'r adeiladau, The Fountain Shop Ltd sy'n gweithredu o 14 Stryd Fawr Isaf, Merthyr Tudful, yn euog i'r drosedd yn Llys Ynadon Merthyr Tudful. Mewn gwrandawiad ar Fedi’r 6ed Medi 2023, cawsant orchymyn i dalu dirwyon a chostau gwerth cyfanswm o £2,822.50.

Arweiniodd yr ail safle a werthodd fêp anghyfreithlon i'r gwirfoddolwr prawf-brynu at chwiliad o'r eiddo lle darganfuwyd anwedd anghyfreithlon hefyd a'i atafaelu wedyn. Atafaelwyd cyfanswm o 224 o anweddau anghyfreithlon a chaewyd y siop wedi hynny.

Dywedodd Craig Rushton, Arweinydd y Tîm Safonau Masnach, “Byddwn yn parhau i weithredu yn erbyn siopau sy'n gwerthu cynhyrchion nicotin i rai dan oed a hefyd anwedd nicotin anghyfreithlon. Canfuwyd bod fêps anghyfreithlon yn cynnwys ystod o gemegau niweidiol a gallant fod yn hynod beryglus i ddefnyddwyr

Mae yn erbyn y gyfraith gwerthu fêps, anweddau untro neu e-hylif sy’n cynnwys nicotin i unrhyw un o dan 18 oed. At hynny, ni ddylai anweddau untro gynnwys mwy na 2ml o hylif sydd tua 600-800 ‘pwff’.

Rwy’n annog y Cyhoedd i roi gwybod i’r Gwasanaeth Safonau Masnach am unrhyw un sy’n gwerthu anwedd neu anwedd anghyfreithlon i blant. Bydd yr holl wybodaeth a dderbynnir yn cael ei thrin yn gwbl gyfrinachol.”

Dywedodd y Cynghorydd Michelle Symonds, Aelod Cabinet dros Adfywio, Tai a Diogelu’r Cyhoedd “Rydym wedi gweld cynnydd yn nifer y bobl ifanc sy’n arbrofi gydag anwedd. Nid yw'n dderbyniol gwerthu fêps anghyfreithlon a thorri'r gyfraith trwy werthu anwedd i unrhyw un dan oed.

Rwy’n cymeradwyo’r gwaith parhaus y mae Safonau Masnach Merthyr Tudful yn ei wneud ac rwy’n annog ein cymunedau i roi gwybod i’n pobl ifanc am unrhyw fasnachwr y maent yn credu sy’n gwerthu anwedd neu anwedd anghyfreithlon”.

Gallwch riportio siopau sy'n gwerthu anwedd anghyfreithlon neu godennau vape nicotin tafladwy, e-sigaréts neu e-hylifau i'r rhai dan oed ar-lein yn ar Rhoi Gwybnod am Fater Safonau Masnach | Cyngor Bwrdeistref Sirol Merthyr Tudful neu trwy e-bostio tstandards@merthyr.gov.uk.