Cefnogi ymgyrch Crimestoppers: Mae tybaco anghyfreithlon yn ariannu troseddau cyfundrefnol

09/04/2026

Er y gall tybaco anghyfreithlon ymddangos yn rhatach, mae’n aml yn ariannu troseddau difrifol cyfundrefnol, gan gynnwys delio cyffuriau, masnachu pobl a gwyngalchu arian. Yn aml, mae’r cynhyrchion hyn yn cael eu smyglo neu eu ffugio, eu gwerthu heb wiriadau diogelwch priodol, ac mewn ffyrdd sydd wedi’u cynllunio i osgoi cael eu canfod.

Mae’r fasnach dybaco anghyfreithlon hefyd yn niweidio cymunedau lleol. Mae’n tanseilio busnesau gonest, yn ei gwneud hi’n haws i bobl ifanc ddechrau ysmygu, ac yn targedu rhai o’r cymunedau mwyaf agored i niwed.

Mae Safonau Masnach Cymru yn gweithio’n agos gyda phartneriaid, gan gynnwys HMRC a Crimestoppers, i fynd i’r afael â chyflenwi tybaco anghyfreithlon. Fodd bynnag, mae gwybodaeth gan y gymuned yn hanfodol i adnabod y rhai sy’n gyfrifol.

Os ydych yn amau bod tybaco anghyfreithlon yn cael ei werthu yn eich ardal, gallwch roi gwybod yn ddienw i Crimestoppers drwy ffonio 0800 555 111 neu drwy ymweld â gwefan Crimestoppers: Crimestoppers-uk.org

Drwy rannu gwybodaeth, gallwch helpu i ddiogelu cymunedau ac amharu ar rwydweithiau troseddol.

Erthygl flaenorol