Ymgyrch yn targedu economi’r nos ledled Bwrdeistref Sirol Caerffili

18/08/2025

Cafodd 'Ymgyrch GWIRIO' ei chynnal nos Wener 25 Gorffennaf 2025, gan gynnwys swyddogion o dimau Safonau Masnach a Thrwyddedu'r Cyngor. Fe wnaeth y tîm amlasiantaethol ymweld â sawl safle, gan gynnwys siopau diodydd trwyddedig, siopau cludfwyd a safleoedd tacsi, i wirio cydymffurfiaeth â Deddf Trwyddedu 2003 ac i helpu sicrhau amgylchedd diogel i'r cyhoedd.

Yn ystod yr ymgyrch, fe wnaeth gwirfoddolwr 14 oed – o dan oruchwyliaeth agos Safonau Masnach – gynnal cyfres o bryniannau prawf alcohol. Methodd un safle yn Aberbargod trwy werthu alcohol i'r gwirfoddolwr dan oed. Mae'r busnes bellach yn cael ei ymchwilio yn ffurfiol, gan ymgysylltu ar unwaith â Deiliad Trwydded y Fangre.

Cafodd sawl achos o ddiffyg cydymffurfio llai difrifol eu nodi hefyd, ac mae swyddogion yn gweithio'n agos gyda busnesau i'w cynorthwyo nhw i gyrraedd cydymffurfiaeth lawn.

Dywedodd y Cynghorydd Philippa Leonard, Aelod Cabinet dros Ddiogelu'r Cyhoedd a Thrwyddedu:

"Mae'r ymgyrch hon yn tynnu sylw at ein hymrwymiad cryf i amddiffyn pobl ifanc a sicrhau bod busnesau ledled y Fwrdeistref Sirol yn gweithredu o fewn y gyfraith. Mae'r achos yn Aberbargod yn dangos yn glir na fydd achosion o dorri rheolau yn cael eu goddef a dylai weithredu fel rhybudd i eraill. Rydyn ni’n benderfynol o gynnal safonau uchel a byddwn ni’n parhau i weithio gyda'n partneriaid i sicrhau bod Caerffili yn parhau i fod yn lle diogel, cyfrifol a chroesawgar i bawb."

I roi gwybod am bryderon, ffoniwch 01443 866750 neu e-bostio trwyddedu@caerffili.gov.uk neu safonaumasnach@caerffili.gov.uk

Erthygl flaenorol Erthygl Nesaf