Rhybudd am ddoliau Labubu ffug

Mae teganau Labubu go iawn yn cael eu cynhyrchu gan y cwmni Pop Mart yn Tsieina ac maent yn boblogaidd iawn ledled y byd.

Ond mae safonau masnach wedi rhybuddio y gall doliau ffug, sy'n aml yn rhatach o lawer na'r peth go iawn, fod yn hynod anniogel ac yn beryglus i blant bach.

Dywedodd y Cynghorydd Mark Spencer, aelod cabinet dros gymunedau a chwaraeon: “Rydyn ni eisiau i bobl fod yn ofalus iawn ac i wneud yn siŵr eu bod yn prynu eu doliau Labubu oddi wrth gyflenwr ag enw da. Os yw cynnig yn ymddangos yn rhy dda i fod yn wir, mae’n debygol ei fod yn ffug.

“Hoffwn ddiolch i'n swyddogion am gyflawni eu rhan nhw wrth dynnu eitemau a allai fod yn beryglus oddi ar y strydoedd. Gallant roi cyngor i fusnesau a cheisio gweithio gyda nhw cyn cymryd camau gorfodi.

“Fodd bynnag, rhaid i fusnesau wneud yn siŵr nad ydyn nhw'n stocio nac yn gwerthu doliau Labubu ffug neu byddwn yn cymryd camau.”

Bydd yr holl eitemau ffug a atafaelwyd gan safonau masnach yn cael eu dinistrio.